Poco brendi Poco X3 Pro-nu və F3-ü təqdim edib

Qlobal təqdimat çərçivəsində Poco brendi Poco X3 Pro smartfon modelini təqdim edib. Sözügedən smartfon Poco X3 NFC modelinin bir qədər təkmilləşdirilmiş versiyasıdır. Beləliklə Poco X3 Pro modeli 120 Hz-lik təsvir yenilənməsinə sahib Full HD+ keyfiyyətli 6.67 düym IPS ekrana sahibdir. Ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Bununla yanaşı smartfonun ekranı Gorilla Glass 6 qoruyucu şüşəsi ilə də əhatə olunub.


Əsas texniki özəlliklərə gəldikdə isə Poco X3 Pro modeli Snapdragon 860 prosessoru, 6/8 GB RAM, 128/256 GB daxili yaddaş həcmi (1 TB-a kimi microSD dəstəkli), 48 MP (f/1.79 diafraqma) + 8 MP (119 dərəcə bucaq təsviri) + 2 MP (makroobyektiv) + 2 MP dördlü arxa kamera, 20 MP-lik ön kamera və 33 vatt gücündə sürətli şarj texnologiyalı 5160 mAh enerji tutumlu batareya ilə təchiz olunub.


Şirkətin verdiyi məlumata əsasən bu cür sürətli şarj texnologiyası sayəsində smartfon 100% enerjini 59 dəqiqəyə yığır. Bununla yanaşı Poco X3 Pro stereo səsgücləndiriciləri və kontaktsız ödənişlər üçün nəzərdə tutulmuş NFC modulu da özündə birləşdirir



Poco F3 modeli yüksək təsvir tezliyinə sahib yastı ekran, stereo səsgücləndiricilər və flaqmana yaxın Snapdragon prosessoru əldə edib. Beləliklə Poco F3 smartfonu 120 Hz-lik təsvir yenilənməsinə sahib 2400x1080 piksel keyfiyyətli 6.67 düym E4 AMOLED ekranı əldə edib. Ekran HDR10+ texnologiyasını dəstəkləyir və onun yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası smartfonun yandırıb/söndürmə düyməsinə inteqrasiya edilib.


Əsas texniki özəlliklərə gəldikdə isə smartfon Snapdragon 870 prosessoru, Adreno 650 qrafik çipi, 6/8 GB RAM, 128/256 GB daxili yaddaş həcmi, 48 MP (f/1.79 diafraqma) + 8 MP (119 dərəcə bucaq təsviri) + 5 MP (makroobyektiv) üçlü arxa kamera, 20 MP-lik (f/2.0 diafraqma) ön kamera və 33 vatt gücündə sürətli şarj texnologiyalı 4520 mAh enerji tutumlu batareya ilə təchiz olunub. Smartfon MIUI 12 interfeysli Android 11 əməliyyat sistemi vasitəsilə çalışır


Mənbə : https://technote.az


463 27/03/2021